यावर्षी भारताने फ्रेंच अध्यक्ष सार्कोझींना २६ जानेवारीला प्रमुख पाहुणे म्हणुन बोलावले होते. लगेच त्यांनी हिसाब बराबर केला! भारताच्या पंतप्रधानांना बास्टाइल डे ला बोलावले. शिवाय आपले सैनिकही (बहुदा भारताबाहेर पहिल्यांदाच) परेड करणार होते. भारतात कधी पंतप्रधानांच दर्शन शक्य नाही ... इथे बघायला मिळेल असं वाटलं होतं.... कारण फ्रेंच अध्यक्षांना बघणं येवढ अवघड नाही! मागच्या वेळी याच दिवशी मी बघितलं होतं त्यांना.
मला वाटलं एक अनुभव लिहायला मिळेल! पण कसलं काय... भारतीय सैन्याची (त्यातुन मराठा लाईट इंफंट्री) परेड आणि आपले पंतप्रधान VIP जागीच राहिले :-( आम्हाला कधी दिसलेच नाहीत.
... पण तरी म्हणलं 'भेटलो नाही' हे तरी सांगाव!!
तर, या समारंभाचे थोडे फोटो...
१३ जुलै, रात्री (सध्या उन्हाळा असल्याने रात्र ११ ला होते!) आमच्या महानगरपालिकेच्या इमारतीसमोर
लेझर शो झाला...
मग आतिशबाजी झाली...
१४ जुलै, सकाळी १० ला अध्यक्ष सार्कोझी यांनी सैन्यदलाची सलामी स्विकारली...
परेडची सुरवात विमानांनी केली...
विविध दलाची पथके आमच्यासमोरुन जाउ लागली...
अगदी अग्निशामक दलासकट! (हो... त्यांनीतर सर्वात जास्त टाळ्या घेतल्या)...
मग, वेगवेगळ्या गाड्या...
मग रनगाडे...
शेवटी, हेलिकॉप्टर...
ही परेड झाली 'प्रसिद्ध' शॉन्सेलिसे (Champs-Élysées) या रस्त्यावर...
परेड संपल्यावर आम्ही 'ले-झाँवालिद' (Les Invalides) समोरील मैदानात असलेल्या प्रदर्शनात गेलो.
तिथे हेलिकॉप्टरमधे बसलो,
चिलखती गाडीत बसलो,
सैनिकांबरोबर फोटो काढले,
सैनिकांचे फोटो काढले (त्या टर्मिनेटर मधल्या अरनॉल्डच्या बंदुकीसाठी :-) )...
गाडीवर फोटो काढले...
आणि बंदुक हतात घेउन फोटो काढले!!
एकंदर मजा केली.... बंदुका-रनगाडे-विमानं हा माझा वीक पॉइंट आहे ना!!
यानंतर, पुढचं लक्ष - आयफेल टॉवर वरील आतिशबाजी! त्याआधी घरी जाउन ताजेतवाने होउन, तिथल्या गर्दीला सामोरं जायला सज्ज झालो... हो ना, लाखो लोकं येतात तिकडे! मला कशीबशी आर्धा टॉवर दिसेल अशी जागा मिळाली :-) त्यामुळे हा शो मी 'अर्धा' बघितला!! असा...
अशा शो चे फोटो काढायचे म्हणजे चांगला कॅमेरा-ट्रायपॉड वगैरे पाहिजे...
मोजुन अर्धा तास आतिशबाजी सुरु होती... लाजवाब! (यू ट्यूबवर पहा...)
----------------------------------
मागील वर्षाचे फोटो पिकासावर पहा.
कोणत्याही टिप्पण्‍या नाहीत:
टिप्पणी पोस्ट करा